Сэлэнгэ аймаг дахь 413 дугаар хорих ангид эдэлж байгаа иргэн Д.Мөнх-Эрдэнэ Ерөнхий сайд Л.Оюун-Эрдэнэ, ХЗДХ-ийн сайд Х.Нямбаатар нарт үг дайсныг цахим хуудаст нь нийтэлжээ.
Тэрбээр “Үнэнийг олж цагаатгахын төлөө өнөөдрийг хүртэл шоронд суугаад явж байна. Үгүй бол МАН-ын авлигачид шиг хялбаршуулсан журмаар шийдүүлээд 40 саяар торгуулаад шоронд суухгүй салах боломжтой байлаа. Үнэний төлөө явна Д.Мөнх-Эрдэнэ” гэсэн байна.
Эргэн сануулахад, Д.Мөнх-Эрдэнийг албан тушаалын байдлаа урвуулан ашигласан, бусдад хахууль өгсөн гэх хэрэгт буруутган анхан шатны шүүхээс гурван жил 10 сарын хорих ял, 2.7 сая төгрөгөөр торгох ялаар шийтгэсэн.
Гэвч тэр анхан шатны шүүхийн шийдвэрийг эс зөвшөөрч давж заалдах шатны шүүхэд хандахад оноосон ялыг нэг жил 10 сарын хорих ял болгосон. Одоо Д.Мөнх-Эрдэнийн өмгөөлөгчид хяналтын шатны шүүхэд хандаад байгаа юм.
