Өвөрхангай аймгийн Хайрхандулаан сумын уугуул, Уулын авиралтын спортын мастер Бэх-Очирын Гантулга дэлхийн дээвэр Эверестийн оргилд гарахаар хөлгийн жолоо заллаа.
Эх орныхоо мөнх цаст оргилуудад төдийгүй Өмнөд Америк тивийн ноён оргил Аконкагуа /6965 м/, Африк тивийн ноён оргил Килиманжаро /5895 м/, Европ тивийн ноён оргил Эльбруст /5641 м, 5621 м/-д амжилттай авирч, Монгол Улсынхаа тугийг намируулж явсан тэрээр энэ удаа төрсөн нутаг Өвөрхангай аймгийнхаа тугийг Эверестийн, дэлхийн 5 дахь ноён оргил Макалуд мандуулахаар авч явсан юм.
Аймгийн Засаг дарга А.Ишдорж нутгийн нэрт тамирчинтай уулзаж, зорьсон хэрэгт нь амжилт хүсэн хоёр сая төгрөгийн дэмжлэгийг үзүүлсэн бөгөөд аймгийнхаа тугийг гардууллаа. Б.Гантулга “Уулын оргилд гарах мөчид хамгийн түрүүнд төрсөн нутаг ус Өвөрхангайгаа боддог. Мөнх тэнгэрт байгаа ижий, аавдаа ойртож очих шиг санагддаг” гэж байв.
