- 78 дахь удаагийн НҮБ-ын Ерөнхий Ассемблейн чуулганд Туркийн Ерөнхийлөгч оролцоно
- Тесла компани долоо дахь үйлдвэрээ Мексикт барьж байна
- Таван сая дахь машинаа үйлдвэрлэжээ
Турк улсын Ерөнхийлөгч Реджеп Тайип Эрдоган Тесла компанийн захирал Илон Маскт улсад нь Теслагийн үйлдвэр байгуулах санал тавьжээ.
Тодруулбал Туркийн Ерөнхийлөгч Эрдоган 78 дахь удаагийн НҮБ-ын Ерөнхий Ассемблейн чуулганд оролцохоор АНУ-д байгаа юм. Тэрбээр Нью-Йорк хотод Илон Масктай хийсэн уулзалтын үеэр уг саналаа тавьсан аж.
Одоогоор Тесла компани болон Вашингтон дахь Туркийн Элчин сайдын яамнаас тус улсын Ерөнхийлөгч тавьсан саналд тодорхой хариу өгөөгүй байгаа гэв.
Илон Маск тавдугаар сард тус компанийнхаа шинэ үйлдвэр барих байршлыг энэ оны сүүл гэхэд сонгоно хэмээн мэдэгдэж байсан. Тесла компани өдгөө зургаан үйлдвэртэй бөгөөд долоо дахь үйлдвэрээ Мексикт байгуулж байна.
Энэ жил Тесла компанийн хувьцаа 123 хувь хүртэл өсөж, өнгөрсөн амралтын өдрөөр таван сая дахь машинаа үйлдвэрлэсэн хэмээн мэдэгдсэн юм.
Эх сурвалж: Reuters
