- Өмнөх жилүүдийн хэмжилтээс 1.5 сая км2 -аар буурсан байна
- Улмаар мөс нимгэрч цөмрөх эрсдэл үүсэж байна
- Мөсний хэмжээ багасах нь далайн ус нарны гэрлийг өөртөө шингээж авахад хүргэдэг
Антарктид тивийг тойрон орших мөс өмнөх жилүүдийнхээс огцом багасжээ. Уг үзэгдэл нь ноцтой үр дагавруудыг үүсгэж болзошгүйг судлаачид хэлж байна.
Тодруулбал Антарктидын гадаргуу дээр хөвдөг мөсийг хэмжихэд 17 сая км2-аас бага байсан нь өмнөх жилүүдийн есдүгээр сарын хэмжилтээс 1.5 сая км2 -аар буурсан үзүүлэлт аж. Улмаар мөс нимгэрч, цөмрөх эрсдэл үүссэн нь тэнд ажиллаж буй судлаачдад хүндрэл учруулж байгаа гэв.
Мөсний хэмжээ багасах нь далайн ус нарны гэрлийг ойлгох бус өөртөө шингээж авахад хүргэдэг. Ингэснээр далайн усны температур нэмэгдэж, илүү их мөс хайлах эрсдэлтэй юм. Энэ нь цаашлаад дэлхийн агаарын температурыг нэмэгдүүлнэ.
Эрдэмтэд далайн усны хэм олон жилийн дунджаас өссөн нь Антарктидын мөс хайлах нэг шалтгаан болсон гэж үзэж байна.
Эх сурвалж: ВВС
