УИХ-ын гишүүн ХХААЯ-ны сайд Х.Болорчулуун үхэр ээмэгжүүлэх асуудлыг гаргаж ирснээр нийгмийн эсэргүүцэлтэй тулгараад байгаа. Сошиал орчинд шүүмжлүүлээд хэсэг намжаад байсан энэхүү асуудлыг салбарын сайд ирэх оны төсөвт 4 тэрбум төгрөг суулгуулж үхэр ээмэгжүүлэх болоод байгаагаа саяхан ахин мэдэгдлээ. Энэ талаараа тэрбээр:
"Үхрийг ээмэгжүүлэх гэж хэлээд сурчихсан болохоос биш энэ нь угтаа бүртгэлжүүлж, паспортжуулах ажил юм. Бүх улс орон мал аж ахуйн салбарт үхрүүдээ паспортжуулж бүртгэдэг ба ингэснээр махыг нь гадагшаа экспортод гарах боломжтой болж, хамгийн эхний шаардлагыг хангадаг. Энэ жил үхэр ээмэгүүлж, бүртгэл хийх төсөв тавигдаагүй ба 2024 онд 4 тэрбум орчим төгрөг зарцуулахаар төлөвлөж байна. Ирэх хавраас шүлхийн вакцинтай хамт хийнэ. Ялангуяа мал эмнэлгийн дэглэмийг хангахаар эрүүл бүс статустай 5-6 аймагт хийхээр төлөвлөж байна. Ингэснээр махаа экспортлох боломж бүрдэнэ" гэв.
