Ардчилсан намаас зохион байгуулж буй Төвийн бүсийн "Эдийн засгийн форум" Дундговь аймагт болж байна.Ардчилсан намын дарга Лу.Гантөмөрийн санаачилгаар залуу бизнес эрхлэгчдийг дэмжих, орон нутгийн хөрөнгө оруулалт, цаашдын боломжийн талаар намын гишүүд, дэмжигчидтэй нээлттэй ярилцаж, санал санаачилгыг сонсох зорилгоор "Эдийн засгийн форум”-ыг бүсчлэн зохион байгуулж байгаа юм.
Форумд Ардчилсан намын дарга Лу.Гантөмөр, АН-ын Тэргүүн дэд дарга С.Баярцогт, УИХ дахь Ардчилсан намын бүлгийн дарга О.Цогтгэрэл болон намын дэд дарга нар, Дундговь аймгийн Засаг дарга Ц.Мөнхбат, Өмнөговь аймгийн Засаг дарга Р.Сэддорж болон Ардчилсан намын Улс төрийн зөвлөл, Үндэсний бодлогын хорооны гишүүдийн төлөөлөл оролцож, Дундговь, Өмнөговь, Архангай, Өвөрхөнгай, Төв аймгийн Ардчилсан намын гишүүд, бизнес эрхлэгч нарын 600 гаруй төлөөлөгч оролцлоо. Ардчилсан намын дарга Л.Гантөмөр:Бидний үйл хэрэг нэгдүгээрт, Монгол Улсын төлөө, хоёрдугаарт, Ардчилсан намын төлөө, гуравдугаарт, Орон нутгийнхаа төлөө, дөрөвдүгээрт би өөрийнхөө төлөө гэдэг дээр төвлөрөх болно.Либерал бодлого гэдэг өргүй улсыг бүтээдэг юм. Төрийг чинь тамгагүй болгоно шүү гээд зүгээр нэг компанийн захирал хэлж байна. Монгол Улс ядуураад байгаа шалтгаан бол төрийн өмчийн үйлдвэрүүд, тэдгээрийн удирдлагатай холбоотой.33 жилийн өмнө Ардчилсан нам Монголын ард түмэнд маш тодорхой стратегийг хэлж өгсөн. Бид үг хэлэх, сонгох, сонгогдох эрхийг өгнө гээд өгч чадсан, өмчтэй болгож өгнө гээд бүгдийг нь өгч чадсан. Энэ бол хамгийн том стратеги юм. Бид цаашид энэ стратеги руу явах болно.
Ардчилсан намын Тэргүүн дэд дарга С.Баярцогт:1990 он бол Монгол Улс сэргэн мандсан ардчиллын он жилүүд байсан. Өнөөдөр та бүхэн ардчиллын 2 дахь сэргэн мандлын үе болж байна. Хувь заяаны эрхээр эргэлтийн сэргэн мандлын үе эхэлж байна. Энэ утгаараа та бүхний үе эхэлж байна. Бидний өмнө ардчиллын төлөөх асар их хариуцлага байгаа. Өнгөрсөн 33 жилийн түүхэнд бид ингэж ялагдал хүлээж байгаагүй.Өнөөдөр Монгол Улсын хөгжил дэвшил, ардчилал хямралд орсон. Ийм хүнд үед бид хариуцлагаа ухамсарлаж, ялалт байгуулах хэрэгтэй. 1992 онд хийсэн Үндсэн хуулийнхаа үзэл санааг бид улам төгөлдөржүүлэх ёстой.УИХ-ын гишүүн, УИХ дахь Ардчилсан намын бүлгийн дарга О.Цогтгэрэл:Бид ялалт ярихаасаа өмнө ард түмэнд яг юу өгч чадах вэ, Монгол Улсад юу өгч чадах вэ гэдэг олон зүйлийг ярилцах хэрэгцээ шаардлага тулгарч байна. Бид залуучууддаа юуг өгч чадах юм гэдэг дээр, Ардчилсан нам ард иргэдэд, Монгол Улсад юуг өгөх вэ? гэдэг дээр бодлого гаргаж ажиллах хэрэгтэй гэв.
