Луис Рубиалес дэлхийн аварга Женнифер Хермосыг үнссэнээсээ болж Испанийн хөлбөмбөгийн ерөнхийлөгчийн албан тушаалаасаа огцорлоо.
Тодруулбал, тэр эмэгтэйчүүдийн ДАШТ-ий аварга Женнифер Хермосог хүсээгүй байхад нь үнссэнийхээ төлөө хэдэн долоо хоног ширүүн шүүмжлэлд өртсөний дараа Испанийн хөлбөмбөгийн холбооны ерөнхийлөгчийн албан тушаалаасаа өчигдөр /ням гарагт/ огцорсон юм.
Тэрбээр "Өнөөдөр би 21:30 цагт хөлбөмбөгийн холбооны ерөнхийлөгчийн албан тушаалаасаа огцорч байна. Ингэснээр дэд ерөнхийлөгчийн албан тушаалыг хаших боломжтой. Огцрохыг түр азнахыг шаардах нь Холбоонд ч тэр, Испанийн хөлбөмбөгт ч эерэгээр нөлөөлөхгүй. Нөгөөтээгүүр эрх мэдэл нь намайг эргэж ирэхэд саад болно” гэжээ.
Испанийн хөлбөмбөгийн холбоо (RFEF) Рубиалесыг албан тушаалаасаа огцрох өргөдлөө өгсөн болохыг баталжээ.
Холбооны Удирдах зөвлөл дараагийн ерөнхийлөгчийн сонгуулийг удахгүй зарлана.
Эх сурвалж: CNN
