БНСУ-д хууль бусаар оршин сууж буй гадаад иргэд сайн дураар хилээр гарвал торгуулиас чөлөөлөх журмыг тус улсын Хууль зүйн яамнаас гаргажээ. Хууль бусаар оршин сууж буй гадаад иргэдийг энэ оны сүүл буюу арванхоёрдугаар сарын 31 хүртэл өөрийн хүсэлтээр нутаг буцахыг санал болгох ба дээрх хугацаанд нутаг буцаагүй тохиолдолд хүчээр албадан гаргах бөгөөд 30 сая вон хүртэлх торгуул ногдуулах аж.
Сайн дураар нутаг буцах өргөдөл гаргахдаа ажлын өдрүүдэд нисэх өдрөөсөө гурав хоногийн өмнө гадаад паспорт болон нисэх тасалбартайгаа харьяа иммегрэшнд очиж хүсэлтээ гаргах хэрэгтэй. Мөн дахин виз мэдүүлэхэд нь хүндрэл учрахгүй болох тухай БНСУ-ын хэвлэлд мэдээлжээ.
