Тулгар төрийн 2232, Их Монгол Улс байгуулагдсаны 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмаар Ховд аймгийн Булган сумын харьяат, “Алдар” спорт хороо, “Ховд” дэвжээний бөх Г.Ганхуяг Монгол Улсын харцага цолны болзол хангасан. Түүний энэхүү амжилтыг үнэлж УИХ-ын гишүүн, Зам тээврийн хөгжлийн сайд С.Бямбацогт төрсөн дүү С.Балжиннямын хамтаар Арвай хотхон дахь орон сууцаар урамшуулжээ.
Ховд аймгийн Булган сумын харьяат, аймгийн арслан Г.Ганхуяг, улсын арслан Б.Орхонбаяраар зургаа давж, улсын харцага цолны болзол хангасан. Тэрээр дөрвийн даваанд улсын аварга П.Бүрэнтөгсийг, тавын даваанд улсын гарьд Ө.Бат-Оршихыг, зургаагийн даваанд улсын арслан Б.Орхонбаярыг өвдөг шороодуулснаар улсын харцага цолны болзол хангасан билээ.
Түүний цолны мялаалга наадам Ховд аймгийн Булган суманд есдүгээр сарын 5-7-ны өдрүүдэд болж өнгөрсөн юм.
