
Мексикийн эрх баригч Морена нам Мехико хотын дарга асан Клаудиа Шейнбаумыг 2024 оны Ерөнхийлөгчийн сонгуульд нэр дэвшүүллээ.
Одоогийн Ерөнхийлөгч Андрес Мануэль Лопез Обрадорын нам Шейнбаумыг Гадаад хэргийн сайд асан Марсело Эбрард тэргүүтэй таван өрсөлдөгчөөс түрүүлж байна гэж мэдэгдэв. Албан ёсны мэдээллээр хатагтай Шейнбаум 39 хувийн санал авсан байна.
61 настай Шейнбаум ням гарагт Мексикийн сөрөг хүчний эвслээс нэр дэвшиж буй 60 настай Зочитл Галвез хэмээх өөр нэгэн эмэгтэйтэй өрсөлдөнө. Ийнхүү Ерөнхийлөгчийн сонгуулийн гол өрсөлдөөн эмэгтэйчүүдийн дунд явагдахаар болж буй. Шейнбаум "Gatopardo" сэтгүүлд ярилцлага өгөхдөө хэрэв эмэгтэй хүн Ерөнхийөгчөөр сонгогдвол түүхэн үйл явдал болох бөгөөд эмэгтэй хүн арай өөрөөр улс орноо харах чадвартай хэмээн ярьжээ.
Мексикийн Ерөнхийлөгчийн сонгууль 2024 оны зургаадугаар сард явагдана. Ерөнхийлөгчийг шууд санал хураалтаар зургаан жилийн хугацаатайгаар дахин сонгогдох эрхгүйгээр сонгодог.