Үндэсний бөхийн спортод допингтой холбоотой асуудал жил бүр яригдах болсон. Энэ жилийн Улсын баяр наадмаар ч мөн эл асуудал хөндөгдөв. Тухайлбал Улсын арслан М.Бадарч допинг хэрэглэсэн гэх шуум олон нийтийн сүлжээгээр яригдах болсон. Гэвч эцсийн хариу гараагүй байхад хэн нэгнийг буруутгалаа гэх олон нийтийн шүүмжлэл ч байгаа юм. Энэ талаар Улсын харцага О.Мөнх-Эрдэнэ өөрийн цахим хуудсаараа дамжуулж байр сууриа илэрхийлжээ. Тэрээр" Би ч өөрөө допингийг эсэргүүцдэг. Допингоос болж хохирогч болж байж ч магадгүйГэхдээ Шинжилгээний хариу, шийдвэр бүрэн гараагүй байхад ингэж зарлах нь ямар ашигтай юм бэ? Яагаад М.Бадарч арслангийн хариу ганцаараа 8 хоногийн дараа ирсэн бэКодоор ирдэг хариуг яаж түрүүлж М.Бадарч арслангийнх гэж мэдэж мэдээлэл тараасан бэ? Шийтгэлээ зохих дүрмийн дагуу авч байгаа хүмүүсийг ингэж сэтгэл санааг нь туйлд хүргэж сошиалаар сэвж яадаг юм бол... Допингийн хариу эерэг ч бай сөрөг ч Үндэсний бөх уламжлал руугаа яагаад ингэж улайрч дайраад байна вэ" гэжээ.
