Ард түмэн шүдээ зууж, бүсээ чангалах зуур АТҮТ-ын дарга Б.Гүрсоронзон жилд 1 тэрбум төгрөг татвар төлөгчдийн мөнгийг зарцуулах гэрээ хийж явжээ.
Учир нь Зам, тээврийн хөгжлийн сайд С.Бямбацогт сайдын "авлигын гэрээ" ил болсон талаар мэдээлэл гарсан. Гэтэл уг асуудалд нэр холбогдсон С.Бямбацогт сайд Драгон төвийг “Номин” агуулах руу нүүлгэсэн шийдвэрийг Авто тээврийн үндэсний төв (АТҮТ)-ийн удирдлагууд бие даан гаргасан гэв.
Өөрөөр хэлбэл, төсвийн мөнгөнөөс сарын 77 сая, жилийн 924 сая төгрөг, 10 жилд 10 тэрбум төгрөг “Номин Холдинг”-д өгөхийн тулд Авто тээврийн үндэсний төв болон авто вокзалыг хуучин байсан түрээсгүй байрнаас нь нүүлгэх гэрээг АТҮТ-ийн захирал Б.Гүрсоронзонг "эрх мэдлийнхээ хүрээнд хийсэн" болж таарлаа.
Эдгээр байгууллагын өмнө нь байрлаж байсан төрийн өмчийн байрууд хоосон үлдэж буй нь төрийн хэмнэлтийн тухай хуулиа ч зөрчиж байгаа хэрэг.
Товчхондоо, жилийн 1 тэрбум төгрөгийг татвар төлөгчдийн халааснаас авч Номингийн Ш.Баярсайханд авч өгсөн шийдвэрийг гаргасан нь “Номин Холдинг” компанид ард иргэд татвар төлөгч нар ямар ч өргүй атал шуналтай эрх мэдэлтний балгаар ард түмэн өртэй мэт байдалд орж байгаа хэрэг...
Өөрийнхөө эрх ашгийн төлөө улайран дайрагч Б.Гүрсоронзон дарга Засгийн газраасаа илүү эрх мэдэлтэй нэгэн аж. Төрийн ажил хийнэ гэж тухтай суудалд сандайлчхаад зөвхөн өөрийнхөө эрх ашгийн төлөө ажилладаг ийм дарга нарт хариуцлага тооцох уу?
