Долдугаар сарын дундуур ОХУ-ын татгалзсан үр тарианы хэлэлцээрийг сэргээх асуудлаар ОХУ-ын Ерөнхийлөгч Владимир Путин, Туркийн удирдагч Режеп Тайип Эрдоган нар өнөөдөр Сочи хотноо хэлэлцээ хийнэ.
Энэ нь Эрдоганы сүүлийн нэг жил гаруйн хугацаанд Орост хийж буй анхны айлчлал бөгөөд 2022 оны аравдугаар сараас хойшхи хоёр улсын ерөнхийлөгч нарын биечлэн хийх анхны уулзалт болно.
Оросын хүнсний бүтээгдэхүүний экспортлох шаардлагыг хангасан цагт Украины үр тариаг Хар тэнгисийн боомтоор дамжуулан экспортлох хэлэлцээрт оролцоход ОХУ бэлэн байна гэж Кремль мэдэгдээд байна.
Туркийн Гадаад хэргийн сайд Хакан Фидан өнгөрсөн долоо хоногт Москвад айлчлах үеэрээ хэлэхдээ, НҮБ Турктэй хамтран үр тарианы хэлэлцээрийг сэргээх үндэс болох шинэ саналуудыг бэлтгэсэн байгаа.
НҮБ-ын Ерөнхий нарийн бичгийн дарга Антонио Гутерришийн ОХУ-ын Гадаад хэргийн сайд Сергей Лавровт илгээсэн шинэ саналуудад тэр дундаа Оросын хүнсний экспорттой холбоотой санал багтсан байгааг тэмдэглэв.
“Одоо байгаа асуудлуудын хариуд бид хэд хэдэн тодорхой шийдлүүдийг санал болгосон. Эдгээр нь Оросын хүнс, бордоог дэлхийн зах зээлд зохих үнээр илүү үр ашигтайгаар гаргах боломжийг олгож байна” гэж тэр хэлсэн юм.
Хоёр орны удирдагчдын хэлэлцээр ямар үр дүнд хүрч, ямар шийдэл гарах нь ойрын үед тодорхой болно.
Эх сурвалж: ВВС
