Монгол Улсын Ерөнхийлөгч асан Н.Энхбаяр Ерөнхийлөгч У.Хүрэлсүхийн урилгыг Гэгээн Ширээт Улсын Төрийн тэргүүн Пап Францист 2022 онд гардуулж өгсөн. Харин тэрээр энэ удаад Папын айлчлалыг хэрхэн дүгнэж байгааг хүргэе.
Монгол Улсын Ерөнхийлөгч асан Н.Энхбаяр:
- Энэ айлчлал бол ил болон далд маш олон утгай санаатай. Монголын түүх тасралтгүй үргэлжилж байх ёстой. Тэгэхгүй бол өөрт таалагдсаныг таслаад, таалагдаагүйг нь манайх биш гэж орхиж түүхээрээ тоглож болохгүй.
Монгол Улсын Ерөнхийлөгч У.Хүрэлсүхийн урилгаар Монголд айлчилж буй Папын байлчлал бол Монголын тасарсан, суларсан түүхийг сэргээж буй түүхэн ач холбогдолтой. Одоогоос 800 орчим жилийн өмнө Пап IV Иносент Их Монголын эзэнт гүрний Их хаан Гүюүт захидал илгээж, Плано Карпини гэх лам захидлыг авчирч, Гүюүг хаан хариу захидал бичиж, энэ харилцаа үүссэн байна. Харин өнөөдөр Пап өөрөө хүрч ирж Монголчууд ямар аугаа түүхтэй юм бэ, ийм аугаа ард түмэн гэдгийг үзэж, биднийг хүндэтгэж байгаагаа айлчлалрааа ойлгуулж байна.
Монголчууд ер нь их хүлээцтэй тэвчээртэй, олон соёлд дуртай, олон соёлыг хүндэтгэдэг ард түмэн. Түүний тод гэрч бол суут Сорхугтан бэхи хатан. Сорхугтана Христийн шашинтай байсан. Харин Хубилай хаан буддын, Төв Азид ноёлж байсан Хүлэгү, Цагаадай, Зүчи хаад Исламын шашинтай байсан. Энэ бол Монгол Улс шашнаар, гадаад үзэмжээр нь хүнийг ялгаварлан гадуурхдаггүйн илрэл. Гэтэл Америкт дөнгөж сая л арьсны өнгөөр нь, шашнаар л ялгаварлаж болохгүй юм байна гэдийг ойлгож байхад Монголчууд бид аль 800 жилийн өмнө, Чингис хааныхаа сургаалийн дагуу ойлгосон байжээ. Үүнийг хүндэтгэж хүрч ирлээ гэж харж байна.
Мөн Монголчууд газарзүйн байршил, эдийн засгийн хувьд хоёр хөршөөсөө ихээхэн хамааралтай байна. Гэхдээ бидэнд гурав дахь хөрш хэрэгтэй. Энэ 3 дахь хөрш гэдэг бол дэлхий нийтийн 1,5 тэрбум хүнийг араасаа дагуулсан Ватикан гэх улс, энэ том ертөнц байна гэж ойлгох хэрэгтэй. Энэ том улс орон Монгол орны 3 дахь хөрш байна гэдэг бол Монгол Улсын тусгаар тогтнол бэхжиж байгаа, хөгжил дэвшлийн ирээдүй нээгдэж байгаа үйл явдал.
Ганц жишээ дурдахад, АНУ-ын Ерөнхийлөгч Ж.Байден гуай Катлолик шашинтай хүн. Мэдээж ард иргэд, улс орныхоо төлөө санаа сэтгэл нь зовж байгаа нь гарцаагүй. Гэхдээ сэтгэлд нь Католик шашны уламжлал, үнэт зүйл нь байгаа цагт Папыгаа хаана явааг, юу хэлж буйг байнга анхаарч, харж буй. Тиймээс бид Папаар дамжуулж АНУ-тай, дэлхий нийттэй харилцаж байна гэсэн үг. Католик шашингүй улс дэлхий дээр бараг байхгүй. Христийн шашны хамгийн эртний шашин. Тиймээс үнэт зүйл, үзэл баримтлал нь тогтчихсон маш том шашин.
Тиймээс энэ бол дан ганц шашин биш Төр, Ватикан гэх улс байна. Цаашлаад бүхэл бүтэн ертөнц байна. Тиймээс Монгол бүхэл бүтэн том иргэншил, том ертөнцтэй харилцаж байна гэсэн үг.
