Ватиканы төрийн тэргүүн, Пап лам Францис баасан гарагт (2023.09.01) Улаанбаатар хотод газардан, айлчлалаа эхлүүлсэн билээ. Түүнтэй цуг гадаад хэвлэлийн олон сэтгүүлч ирсэн.
Тэгвэл “Google” платформоос Пап ламын Монгол дахь айлчлалын талаар хайж, тоолвол Англи хэл дээр мэдээ бэлтгэдэг 30 гаруй өөр хэвлэлүүд айлчлалын талаар мэдээлсэн байна. Тоолохдоо тус платформын “Tools” хэрэгслийг ашиглан пүрэв гарагаас /2023.08.31/ бямба гараг /2023.09.02/ хүртэлх илэрцийг гарч ирэхээр тохируулсан.
Ингээд тоолж үзэхэд “Reuters”, “CNN”, “Associated Press”, “NBC”, “ABC”, “Wall Street Journal”, “Euro News”, “Al Jazeera”, “France24”, “Vatican News”, “South China Morning Post” гэх мэт олон хэвлэлүүд Францисын айлчлалын талаар мэдээлсэн байна.
