Тарваган тахал өвчний тохиолдол манай улсад хэд хэд бүртгэгдээд байсан билээ. Тэгвэл Говь-Алтай аймагт тарваган тахал өвчнөөр нэг иргэн нас барсан тохиолдол бүртгэгджээ.
Тодруулбал, наймдугаар сарын 29-ний өдөр Говь-Алтай аймгийн Цээл суманд бүртгэгдсэн тарваган тахлын сэжигтэй нас барсан тохиолдлыг Говь-Алтай аймгийн ЗӨСТ-д өчигдөр хийгдсэн нян судлалын шинжилгээ, Ховд аймгийн ЗӨСТ-д хийгдсэн молекул биологи(PCR)-ийн шинжилгээгээр тус тус ЭЕРЭГ тодорхойлогдож тарваган тахлын халдвар авч нас барсан болох нь батлагдлаа.