Гэгээн ширээт улсын тэргүүн, Ромын пап Францис Улаанбаатар хотод өнөө өглөө газардсан билээ. Тэрбээр онгоцоор нисэх замдаа БНХАУ-ын агаарын бүсэд орж ирээд Ши Жиньпин болон Хятадын иргэдэд зориулж телеграм явуулсан байна.
Тус телеграмд “"Монгол Улсыг зорин, танай орны агаарын бүсээр нисэж байхдаа эрхэмсэг ноён танд болон Хятад улсын ард түмэнд сайн сайхныг хүсэн ерөөж, мэндчилгээ дэвшүүлж байна. Хятад орны сайн сайхны төлөө залбирч буйгаа баталж, эв нэгдэл, амар амгаланг адисалъя" гэж бичжээ.
Тэрбээр 9.5 цагийн турш нисэж ирсэн тул өнөөдрийн хувьд амарч, маргаашаас айлчлалын хөтөлбөрөө эхлүүлэх юм. Францисын айлчлалын хөтөлбөрт Монгол Улсын төрийн гурван өндөрлөгт бараалхаж, шашин хоорондын уулзалтад оролцох гэх мэт зүйлсийг төлөвлөсөн байгаа.
Эх сурвалж: Catholic News Agency6
