Нийслэлийн Засаг даргын орлогч Ж.Сандагсүрэн "Акуа гарден" хотхоны захиалагчдыг хохиролгүй болгоход төрөөс мөнгө гаргах талаар өчигдөр хэвлэлд хэлсэн. Тэрбээр, "Акуа гарден"-тай холбоотой иргэдийг нэн тэргүүнд хохиролгүй болгох ёстой. Ямар нэгэн байдлаар бид шийднэ. Иргэдийн хохирлыг төсвөөс шийдэж таарах байх. Гэхдээ мэдээж төрийг хохиролгүй болгох ёстой" гэлээ.
Тэгвэл Сангийн сайд Б.Жавхлан Хотын орлогч ж.Сандагсүрэнг шүүмжлэн өөрийн цахим хуудсаараа дараах үгийг хэлжээ.
Тэрбээр, "Төрийн хариуцлагатай албан тушаалтан ингэж амны зоргоороо ийм мэдэгдэл хийж болдоггүй юм. Тэр тусмаа төсөв, татвар төлөгчдийн мөнгөөр. Нийслэлийн албан ёсны байр суурь биш гэж найдъя. Төсөв батлах онцгой эрх зөвхөн УИХ-д байдаг юм. Төрийн мөнгө гэж байдаггүй, зөвхөн татвар төлөгчдийн мөнгө гэж байдгийг сануулъя хэмээсэн байна.
