Йоханнесбургийн төвд байрлах өндөр байшинд гал гарсны улмаас 73 хүн амиа алдаж, 52 хүн шархадсан байна. Амиа алдагсдын дунд долоон хүүхэд байгаагийн дотор 18 сартай хүүхэд байгаа гэж аврагчид мэдээлэв.
Пүрэв гарагийн орой хүмүүс албан бусаар амьдарч байсан тус хотын хуучин бизнесийн дүүрэгт хаягдсан барилгад гал түймэр гарчээ. Аврагчид барилгаас гарч чадах хүн бүрийг нүүлгэн шилжүүлж, эрэн хайх, аврах ажиллагааг явуулсан байна.
Эмгэнэлт явдал болсон газраас ВВС-ийн сурвалжлагч Саманта Гранвиллийн мэдээлснээр аврах ажиллагаа цаг өнгөрөх тусам нас барагсдын шарилыг гаргаж авах ажиллагаа болж хувирч байна гэжээ.
Яг юунаас болж гал гарсан нь одоогоор тодорхойгүй байна. Гал унтраах ажиллагаа дууссаны дараа шалтгааныг тогтоохын тулд урьдчилсан шалгалтыг эхлүүлнэ гэж аврах албаныхан мэдэгдэв.
Галд автсан олон давхар барилга нь Өмнөд Африкийн хамгийн том хот, түүний эдийн засгийн төв болох Йоханнесбургийн хуучин бизнесийн дүүргийн бүсэд байрладаг. Сүүлийн үед энэ хавийн эзэнгүй барилгуудыг орон сууц болгон ашиглах болсон. Тэнд ихэвчлэн хууль бус цагаачид суурьшдаг гэж орон нутгийн хэвлэлүүд мэдээлж байна.
“300 орчим хүн (141 өрх) орон гэргүй, 49 нь эмнэлэгт хэвтсэн. Тэднийг Йоханнесбург хотын мэдэлд байдаг өөр байранд байрлуулах болно" гэж хотын эрх мэдэл бүхий нэгэн X (хуучнаар Twitter) бичжээ
Эх сурвалж: ВВС news