Олон улсын оюутны спортын фестиваль наадам ОХУ-ын Екатеринбург хотноо наймдугаар сарын 19-31-ны өдрүүдэд зохион байгууллаа. Спортын 14 төрлөөр болсон тус наадамд 35 улсын 280 их, дээд сургуулийн оюутан тамирчид 197 багц медалийн төлөө өрсөлдсөн юм.
Манай улсаас спортын 6 төрөлд 54 оюутан тамирчид Екатеринбургэд өрсөлдсөн бөгөөд 1 алт, 1 мөнгө, 8 хүрэл медаль хүртсэн юм. “Екат-2023” наадмын хаалтын үйл ажиллагаа өчигдөр “ЕКСПО” төвд болж мөн үеэр наадмын шилдэг тамирчнаар Бразилийн усанд сэлэгч, Сан Паула их сургуулийн оюутан Л. П. Сильва (4 алт, 2 мөнгө, 1 хүрэл) шалгарав.
