Өнгөрөгч долоо хоногт Монгол иргэд Сингапурт хулгайн хэргээр баривчлагдсан талаарх мэдээлэл хэвлэл мэдээллийн хэрэгслээр цацагдсан. Тэгвэл уг хэрэгт Хөвсгөл аймгийн Тосонцэнгэл сумын харъяат Улсын арслан Ц.Содномдорж болон прокурор асан Д.Баярмагнай нарыг холбогдсон гэх ба энэ нь иргэдийг цочирдуулаад байгаа юм.
Тухайлбал, Д.Баярмагнай, Ц.Содномдорж нар Сингапурт байрлах казино тоглоомын газарт орж, мөрийтэй тоглоом тоглож байгаад хулгайн хэргээр саатуулагдсан аж. Энэ тухай тэд мэдээллийн хэрэгслүүдээр тодруулга өгөхдөө хулгай хийсэн зүйл байхгүй, харин казино тоглосон нь үнэн гэх мэдээллийг өгсөн байдаг.
Тэгвэл ГХЯ-наас "Сингапурт хулгайн хэрэгт холбогдсон хоёр иргэний нэг нь гэм буруугүй болох нь тодорхой болсон. Мөн тус улс дахь ЭСЯ-ныхан хууль зүйн туслалцаа үзүүлж байгаа" гэсэн юм.