Энэтхэгийн "Прагян" сансрын хөлөг саран дээр хүхэр байгааг баталжээ. Энэ тухай Энэтхэгийн Сансар судлалын байгууллага 8-р сарын 31-ний пүрэв гарагт олон нийтийн X (хуучнаар Твиттер) сүлжээнд мэдээлэв.
"Альфа бөөмийн рентген спектрометр нь хүхэр болон бусад жижиг элементүүдийг илрүүлсэн" гэж тайланд дурджээ.
Шинжлэх ухааны энэ шинэ нээлт нь эрдэмтдийг тухайн бүс дэх хүхрийн эх үүсвэрийг тайлбарлах шинэ таамаглал дэвшүүлэхэд хүргэж байна. Тэдгээрийн дотор дотоод гарал үүсэл, галт уулын болон солирын гаралтай байх магадлалтай байдаг.
Энэтхэгийн Сансрын агентлаг 8-р сарын 29-нд саран дээр лазерын оч ялгаруулах спектрометрийн багаж ашиглан хүхэр, кальци, төмөр, хром болон бусад металлыг илрүүлсэн тухай мэдээлсэн.
Мөн 8-р сарын 27-нд дэлхийн хиймэл дагуулын газардсан бүсийн хөрс халуун болж, температур нь 70 хэм хүрч байна гэсэн мэдээлэл гарсан юм.
Энэтхэгийн сарны "Чандраян-3" станцын буух модуль 8-р сарын 23-нд сарны тойрог замын өгөгдсөн цэгт хүрч, сарны гадаргуу дээр амжилттай буусан юм. Мөн өдөр Энэтхэгийн сансрын агентлаг "Викрам" газардах төхөөрөмжөөс авсан сарны анхны гэрэл зургийг үзүүлсэн юм.
Эх сурвалж: vm.ru