Говь-Алтай аймгийн Цээл сумын Дэрстэй багт 2023 оны 08-р сарын 29-ний өдөр 2 хоногийн өмнө тарвага агнаж идсэн иргэн идсэн өдрөөсөө хойш 2 хоног халуурч байгаад 3 дахь өдрөө нас барсан талаар бид мэдээлсэн.
Тухайн бүртгэгдсэн тарваган тахлын сэжигтэй нас барсан тохиолдол нь 2023.08.31-ний өдөр Говь-Алтай аймгийн ЗӨСТ-д хийгдсэн нян судлалын шинжилгээ, Ховд аймгийн ЗӨСТ-д хийгдсэн молекул биологи(PCR)-ийн шинжилгээгээр тус тус ЭЕРЭГ тодорхойлогдож тарваган тахлын халдвар авч нас барсан болох нь батлагдлаа гэж ЗӨСҮТ-өөс мэдээллээ. Иймд иргэд Та бүхэн тахлын голомт бүхий газарт зорчихгүй байх, ан амьтны түүхий эд, махыг хүнсэнд хэрэглэхгүй байх, Тарваган тахал өвчнөөс урьдчилан сэргийлэх, тарваганы тоо толгой, тархац нутгийн хэмжээг нэмэгдүүлэх зорилгоор Байгаль орчин, аялал жуулчлалын сайдын 2021 оны А/193 дугаар тушаалаар ахуйн болон үйлдвэрлэлийн зориулалтаар тарвага агнахыг гурван жилийн хугацаанд буюу "2021-2024" хориглосон тул өөрийн болон гэр бүл, бусдын амь нас, эрүүл мэндийг сахин хамгаалж, мэргэжлийн байгууллагуудын зөвлөмжийг дагахыг сэрэмжлүүлж байна.
