Украины арми эх орондоо үйлдвэрлэсэн алсын тусгалын зэвсгийг амжилттай ашиглажээ. Энэ тухай наймдугаар сарын 31-ний пүрэв гарагт Украины Ерөнхийлөгч Владимир Зеленский мэдэгдэв.
"Бид өөрсдийн аж үйлдвэрлэлийн талаар Стратегийн аж үйлдвэрийн яамны тайланг сонссон. Манай цэргийнхэн алсын тусгалын зэвсгийг амжилттай ашигласан” гэж тэр хэллээ.
Түүний хэлснээр 700 километрийн зайд төлөвлөсөн байг амжилттай устгасан гэж РИА Новости агентлаг мэдээллээ.
Украины удирдагчийн мэдэгдлийг үл харгалзан Украины Батлан хамгаалах яаманд асуудал гарч байгааг тэмдэглэжээ. Саяхан Радагийн орлогч Ярослав Железняк Батлан хамгаалахын сайд Алексей Резников есдүгээр сарын эхээр албан тушаалаа орхиж, тус улсаас Их Британид суух Элчин сайд болно гэж мэдэгдэв. Түүний оронд Төрийн өмчийн сангийн тэргүүн Рустем Умеров ажиллах юм байна.
Үүнтэй холбоотойгоор Германы Junge Welt сэтгүүлийн нийтлэлч Райнхард Лаутербах Украин Израилийн загвараар "удаан хугацаанд тулалдах" боломжгүй. Учир нь Украинд еврейн улс шиг өрсөлдөгчдөөсөө цэргийн давуу тал байхгүй тул гэж бичжээ.
Сэтгүүлч Михаил Катков НАТО Киевийн дэглэмийг 2024 онд дэмжихээр тохиролцсон гэсэн байр суурийг илэрхийлжээ. Гэсэн хэдий ч Украин бүтэлгүйтсэн тохиолдолд Зеленский Оростой эвлэрэх тохиролцоонд хүрэх болно гэжээ.
Эх сурвалж: Вечерняя Москва