Сүхбаатар дүүргийн 11-р хороо Хангай хотхон 513-р байрны 5 давхарт гал гарч байна гэсэн дуудлага НОБГ-т ирсэн байна. Дуудлагаар Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүн хүрэлцэн очиход иргэн С-ын эзэмшлийн 37мКв байранд ахуйн газ дэлбэрсэн байсныг шалгаж байна. Шалгалтаар ноцтой зөрчил илэрчээ. Тухайлбал, иргэн С-ын дүү Б-аас тодруулахад тус байранд тог тасарч ахуйн хэрэглээндээ газын плетка ашиглаж байгаад цахилгаан плеткан дээр орхисон байна. Цахилгаан плетка тог тасрахад залгаатай байсныг хэн нь ч анзаараагүй аж. Ийнхүү газ дэлбэрч, гал гарч, золоор хүний амь нас эрсдээгүй байна. Эх сурвалж: Нийслэлийн Онцгой байдлын газар
