KCNA: Хойд Солонгос Өмнөд Солонгост цөмийн цохилт өгөх тактикийн сургуулилт хийлээ
Наймдугаар сарын 30-наас 31-нд шилжих шөнө БНАСАУ-ын ардын арми Өмнөд Солонгос дахь командын цэг, нисэх онгоцны буудлуудыг устгах, цөмийн цохилт өгөх тактикийн сургуулилт хийжээ. Энэ тухай Солонгосын төв мэдээллийн агентлаг (KCNA) мэдээлэв.
KCNA агентлагийн мэдээлснээр, Хойд Солонгосын арми Пхеньяны олон улсын нисэх онгоцны буудлын нутаг дэвсгэрээс зүүн хойд чиглэлд хоёр тактикийн баллистик пуужин харвасан бөгөөд пуужин төлөвлөсөн байгаасаа 400 метрийн өндөрт агаарт дэлбэрчээ. Сургуулилтыг Хойд Солонгосын удирдагч Ким Чен Ун ажигласан байна.
Энэхүү сургуулилт нь В-1В стратегийн бөмбөгдөгч, сөнөөгч онгоцноос бүрдсэн АНУ, Өмнөд Солонгосын хооронд явуулсан цэргийн сургуулилтын хариу арга хэмжээ болсон бөгөөд зорилго нь тус улсад цөмийн цохилт өгөхөөс урьдчилан сэргийлэх бэлтгэл юм гэж Пхеньяны мэдэгдсэн байна.
Уоьд нь Хойд Солонгос пуужин харваснаас болж АНУ Япон, Өмнөд Солонгостой хамтран цэргийн сургуулилт хийж байсан юм. Өмнөд Солонгосын Чежү арлын өмнөд хэсэгт болсон сургуулилтад пуужинг мөрдөж, сөнөөх зорилгоор Aegis системээр тоноглогдсон эсминецүүд оролцсон байна. Маневрууд нь пуужинг илрүүлэх, хянах, Хойд Солонгосын баллистик пуужин хөөргөх таамаглалын талаарх мэдээлэл солилцоход чиглэсэн юм.
Эх сурвалж: Лента.ру