“FIBA 3x3 U18 World Cup 2023” Унгар улсад энэ сарын 30-д эхэлсэн. Тэгвэл манай улсын эмэгтэй баг хэсгийн хоёр дахь тоглолтоо Тайваньтай хийж 16-14 харьцаатай ялалт байгууллаа.
Манай багийн хувьд хэсгийн өмнөх тоглолтоо Малайзийн эсрэг хийж 14-11 гэсэн харьцаатайгаар хожил авсан билээ. Ингэснээр U18 ангиллын дэлхийн аваргад эмэгтэй баг тамирчид хоёр хожилтой тэмцээнийг үргэлжлүүлж байна.
Ташрамд дурдахад, тэмцээнд эрэгтэй, эмэгтэй тус бүр 20 баг өрсөлдөж буй. Тэмцээний эрэгтэй багуудын чансааг Германы шигшээ баг тэргүүлж байгаа бол манай шигшээ баг 17-р байрт эрэмбэлэгдэж байна. Харин эмэгтэй багуудын чансааг Египтийн шигшээ баг тэргүүлж, манай шигшээ баг 11-р байрт эрэмбэтэй байгаа юм.
