Габонд болсон будлиантай сонгуулийн дараа цэргийн эргэлт гарсан тухай Ройтерс агентлаг мэдээллээ.
8-р сарын 30-ны өглөө Габоны цэргийн дээд албан тушаалтнууд ерөнхийлөгчийн сонгуулийн дүнг цуцалж, засгийн газрын байгууллагуудыг татан буулгах тухайгаа мэдэгдэл хийж, тус улсын гол суваг болох "Габон 24" телевизээр үг хэлжээ. Офицерууд улс орны бүх эрх мэдлийг гартаа авч, тус улсын Батлан хамгаалах яам, зэвсэгт хүчнийг төлөөлж байгаагаа мэдэгдэв. Түүнчлэн нийслэл Либревиль хотод буудалцаан болсон тухай мэдээлэл цацагдсан байна.
Габоны Сонгуулийн хороо ерөнхийлөгч Али Бонго ерөнхийлөгчийн сонгуульд гурав дахь удаагаа ялалт байгууллаа гэж зарласны дараа энэ явдал болсон юм. Босогчид санал хураалтын дүнг хүлээн зөвшөөрөхгүй гэж мэдэгджээ.
Мөн Габоны ерөнхийлөгч Али бен Бонго Ондимбаг гэрийн хорионд оруулснаа тус улсын эрх мэдлийг гартаа авсан цэргийнхэн зарласан байна.
Цэргийнхэн төрийн эргэлтийг наймдугаар сарын 26-нд болох бүх нийтийн сонгуульд итгэлгүй байгаатай холбон тайлбарлаж байна. Габон улсын одоогийн Ерөнхийлөгч Али бен Бонго Ондимбаг 64 хувийн саналаар гурав дахь удаагаа сонгогдсон тухай тус улсын Сонгуулийн төв хороо мэдэгдсэний дараа ийм мэдэгдэл хийсний дараа энэ бүх үйл явдал өрнөжээ.
Габоны одоогийн ерөнхийлөгчийн гэр бүл тус улсын төрийн эрхийг 56 жил барьжээ. Одоогийн ерөнхийлөгчийн аав Эл Хадж Омаар Бонго Ондимба 1967-2009 онд төрийн тэргүүнээр ажиллаж байв.
Эх сурвалж: Лента.ру