Киев, Вашингтон хоёр Вильнюс хотноо болсон НАТО-гийн дээд хэмжээний уулзалтын үеэр Их долоогийн орнуудын тохиролцсон Украины аюулгүй байдлын баталгааны асуудлаар энэ долоо хоногт хэлэлцээ хийнэ гэж Төрийн департаментын хэвлэлийн төлөөлөгч Мэттью Миллер мэдэгдэв.
Түүний хэлснээр, яриа хэлэлцээ виртуал форматаар явагдах бөгөөд АНУ-ыг Төрийн нарийн бичгийн даргын орлогчийн туслах төлөөлөх аж.
Вильнюс хотноо болсон дээд хэмжээний уулзалтын үеэр "Их 7"-ын орнууд Украины аюулгүй байдлыг урт хугацаанд баталгаажуулж, ирээдүйд, өөрөөр хэлбэл дайн дууссаны дараа Оросын зүгээс үйлдэх болзошгүй түрэмгийлэлд яаралтай хариу арга хэмжээ авахаа амлав.
Өмнөх өдөр нь хэлэлцээрийн талаар Ерөнхийлөгчийн Тамгын газрын дарга Андрей Ермак мэдэгдсэн юм.Тэрбээр "Манай улс шилжилтийн үеийн найдвартай баталгааг авах ёстой" гэжээ.
Тэрбээр “Украины аюулгүй байдлын баталгаа нь Украиныг одоо ялах, ирээдүйд Оросын түрэмгийллийг зогсоох чадварыг нь баталгаажуулах тодорхой бөгөөд урт хугацааны амлалт байх болно. Үүний формат, дэмжлэгийн механизмыг тодорхой тайлбарлах болно "гэж тэр хэллээ.
Аюулгүй байдлын хамгийн найдвартай баталгаа болох НАТО-д Украин элсэх хүртэл эдгээр баталгаа хүчинтэй байх болно гэдгийг Андрей Ермак онцолжээ.
Эх сурвалж: ВВС