
- Энэ сарын 24-өөс Япон улс Фүкүшимагийн хаягдал усыг далайд асгаж эхэлсэн
- Тус шийдвэрийг анх танилцуулагдсан цагаас л Хятадын эрх баригчид эсэргүүцэж байв
- Улмаар Японы далайн гаралтай бүтээгдэхүүний импортод хориг тавьсан
Энэ сарын 24-ний өдрөөс Япон улс Фүкүшима Дайичи атомын цахилгаан станцын реакторыг хөргөхөд ашигласан хаягдал усыг Номхон далайд асгаж эхэлсэн.
Үүнтэй холбоотойгоор Хятадын иргэд Японы Засгийн газрын байгууллагууд, сургууль, аквариум руу хүртэл заналхийлсэн дуудлага ихээр хийж байгаа аж. Тухайлбал Фүкүшима дахь нэгэн хоолны газар руу гэхэд л 1000 гаруй дуудлага ирсэн байна.
Хятад иргэд утсаар холбогдохдоо англи, япон, хятад хэлээр ярьдаг бөгөөд заримдаа хараалын өнгө аястай үг хэллэг ашигладаг гэв.
Харин Япон улсаас далайд асгасан уснаас одоогоор ямар ч цацраг идэвхт бодис ялгараагүй гэдгийг мэдэгдсэн. Тус улсаас далайд хаягдал ус асгах саналаа анх танилцуулахад Хятадын эрх баригчид ихээхэн эсэргүүцэж байсан юм. Улмаар Японоос орж ирэх далайн гаралтай бүтээгдэхүүний импортод хүртэл хориг тавьсан.
Эх сурвалж: ВВС