Наймдугаар сарын 10-нд Хөвсгөл аймгийн Цагааннуур суманд Өмнөд Солонгосын хоёр иргэн усанд живж, нас барсан ХАРАМСАЛТАЙ хэрэг гарсан талаар бид өмнө мэдээлсэн.
Тодруулбал, БНСУ-ын жуулчид Хөвсгөлийн тайгаар аялж явах үед хоёр нь Цагааннуур суманд нууранд унаж, амиа алдсан хэрэг болсон.
Тухайн аяллын баг тус суманд жуулчны бааз дээр байршин амарч байжээ.
Амь насаа алдсан жуулчдын тухайд нэгнийх нь хүүхэд осол болсон хэсэг рүү гүйж аав нь араас нь очиж ус руу хөл алдсан живсэн бол найз нь түүнийг аврах гэж араас нь ороод гарч ирж чадаагүй гэж нутгийг иргэд хэлж буй.
Осол болсны дараа орон нутгийн онцгой байдлын алба хаагчид ирж, цогцсыг гаргасан байна.
