“Ковид-19” цар тахлын улмаас завсарласан Монголын оюутны спортын V их наадам үргэлжлүүлэн зохион байгуулахаар боллоо.
Дөрвөн жил тутамд нэг удаа зохион байгуулагддаг энэхүү наадамд 27 их дээд сургуулийн 1500 гаруй оюутан тамирчин, багш, дасгалжуулагч оролцохоор мэдүүлгээ өгсөн байна.
Тэмцээний сагсан бөмбөгийн алт, мөнгө, хүрэл медальтнууд тодорч, гандболын тэмцээн болж байх үеэр цар тахлын улмаас тус наадам цуцлагдаж, хойшлогдсон билээ. Харин Биеийн тамир, спортын улсын хорооны дарга Ц.Шаравжамцын өнгөрсөн сард гаргасан тушаалаар оюутны V их наадмыг энэ сарын 5-нд буюу ирэх мягмар гарагаас ирэх тавдугаар сарын 10-ны хооронд зохион байгуулах шийдвэр гаргажээ.
Наадмын тэмцээний хуваарь, спортын төрлүүд, Зохион байгуулагдах газар
1. 4 дүгээр сарын 05-06 Гандбол Буянт Ухаа спортын ордон
2. 4 дүгээр сарын 05-06 Таеквондо Мон-Алтиус ДС-ийн спорт заал
3. 4 дүгээр сарын 13-14 Жүдо ҮБХИС-ийн спорт заал
4. 4 дүгээр сарын 14-20 Волейбол ШУТИС, МУИС-ийн спорт заал
5. 4 дүгээр сарын 14-15 Ширээний теннис “Оч” ширээний теннисний клуб
6. 4 дүгээр сарын 15-17 Шатар “СПС” цогцолбор
7. 4 дүгээр сарын 25-26 Футзал МХБХ-ны Футзалын ордон
8. 4 дүгээр сарын 30 Чирлидинг МУИС-ийн спорт заал9. 4 сарын 30-наас 5 сарын 01 Чөлөөт бөх “Аврагч” спорт хорооны заал