Хэсэг хугацаанд сураг тасраад байсан генерал Сергей Суровикиныг Ерөнхийлөгч Путины зарлигаар Агаар-сансрын хүчний цэргийн командлагчийн албан тушаалаас огцруулжээ. Пригожины бослого гарсны дараа олны дунд ор сураггүй алга болсон генерал огцорсон тухай албан ёсны баталгаа гараагүй ч хэвлэл мэдээлэл энэ тухай мэдээлээд эхэлжээ.
Мягмар гарагийн үдээс хойш "Эхо Москвы" сэтгүүдийн ерөнхий редактор асан Алексей Венедиктов Telegram сувагтаа Суровикиныг 2017 оноос хойш хашиж байсан албан тушаалаасаа чөлөөлөгдсөн ч түүнийг армиас халаагүй гэж бичжээ.
Телевизийн хөтлөгч Ксения Собчак мөн түүний хэлснээр Суровикиныг наймдугаар сарын 18-ны өдрийн нууц зарлигаар албан тушаалаас нь чөлөөлсөн гэж мэдэгдэв. РБК өөрийн эх сурвалжаас иш татан, Суровикиныг өөр ажилд шилжсэний улмаас албан тушаалаас нь чөлөөлөсөн бөгөөд одоо түр амралттай байгаа гэжээ
Суровикиныг эхлээд Лефортовогийн урьдчилан хорих төвд байцааж, дараа нь илүү тохь тухтай нөхцөлд шилжүүлсэн бөгөөд эхнэртэйгээ утсаар холбогдож байсан гэж тус суваг мэдээлжээ.
Вагнер ПМК-ийн үүсгэн байгуулагч Евгений Пригожин 6-р сарын 24-нд цэргийн бослого гаргахыг оролдсоноос хойш Суровикин олны өмнө гараагүй. Дараа нь генерал Вагнерийн дайчдад хандан видео мессеж илгээж, тэднийг байршуулсан газар руугаа буцахыг уриалж байв.
Суровикиныг олон нийтийн талбараас алга болсны дараа Z-суваг болон хэвлэл мэдээллийн хэрэгслээр генералыг баривчилсан байж магадгүй гэсэн мэдээлэл гарч эхэлсэн.
Түүнчлэн турайн үед Суровикинтэй хамт 13 ахлах офицерыг байцаахаар саатуулсан гэж Wall Street Journal бичиж байв. Суровикин Пригожинийн төлөвлөгөөний талаар мэддэг байсан гэж хэвлэлийн эх сурвалжууд мэдээлж байсан юм.
"Файнэншл таймс" сонин Суровикиныг Украинд тулалдаж буй Вагнерийн цэргийн ангитай нягт хамтран ажиллаж байсан, мөн Пригожин болон Батлан хамгаалах яам хоёрыг хооронд нь холбож байсан гэж дурдсан нь буй. Пригожин өөрөө армийг хатуу шүүмжилж байхдаа Суровикинтэй сайн харьцаж байсан гэх мэдээлэл байдаг.
Суровикин 2017 оны намраас ОХУ-ын Агаар-сансрын хүчний командлалыг удирдаж байсан бөгөөд 2022 оны 10-р сараас 2023 оны 1-р сар хүртэл тэрээр Украин дахь Оросын хүчний нэгдсэн бүлгийн командлагч, дараа нь командлагчийн орлогчоор ажиллаж байсан юм.
Эх сурвалж: ВВС news