ОХУ-ын Гадаад хэргийн сайд Сергей Лавров БРИКС-ийн дээд хэмжээний уулзалтад оролцохоор Өмнөд Африкт хүрэлцэн ирлээ.
Лавров тэргүүтэй Оросын төлөөлөгчдийг Йоханнесбургийн нисэх онгоцны буудалд Өмнөд Африкийн ардын бүжгээр угтав.
БРИКС-ийн дээд хэмжээний уулзалт наймдугаар сарын 22-24-нд Йоханнесбург хотноо болно. Уг арга хэмжээнд өмнө нь ОХУ-ын Ерөнхийлөгч Владимир Путин уригдсан юм. Гэвч тэрбээр Олон улсын эрүүгийн шүүхээс баривчлах шийдвэртэй байгаа учир дээд хэмжээний уулзалтад оролцох боломжгүй болсон юм. Учир нь ӨАБНУ нь Олон улсын эрүүгийн шүүхийн оролцогч 123 орны нэг учир тус шүүхийн шийдвэрийг хэрэгжүүлэх үүрэг хүлээдэг. Тиймээс Преториа /ӨАБНУ-ын нийслэл/ дээд хэмжээний уулзалтыг Хятад руу шилжүүлэх санал тавьж, эсвэл Путины оронд ОХУ-ын Гадаад хэргийн сайд Сергей Лавровыг урьж, хүнд байдлаас зайлсхийхийн тулд чадах бүхнээ хийгээд байгаа нь энэ юм.
Эх сурвалж: Gazeta.ru