Украины Зэвсэгт хүчний жанжин штаб 2022 оны 2-р сарын 24-нөөс хойшхи хугацаанд Украины нутаг дэвсгэрт болсон байлдааны ажиллагааны үеэр Оросын армийн амссан хохирлын шинэ мэдээллийг нийтэллээ. Өөрөөр хэлбэл дайн эхэлснээс хойшхи 545 өдөр буюу энэ сарын 22-ыг хүртэлх хугацааны Оросын армийн гарз хохирлыг энэ мэдээндээ багтаажээ. Гэхдээ мэдээллийн хэр бодитой вэ гэдгийг аль аль талдаа баталгаажуулах боломжгүй бөгөөд талууд дайсныхаа хохирлыг илүү их байдлаар илэрхийлж тооцсоор байгаа гэдгийг эх сурвалжууд тодотгож байгаа юм.
Украины Зэвсэгт хүчний жанжин штабын мэдээлснээр Оросын армийн хохирол дараах байдалтай байна. Үүнд:
-Хүн хүчин - 258340 (+410)
-Нисэх онгоц - 315 (+0)
-Нисдэг тэрэг - 316 (+0)
-Танк - 4362 (+4)
-Хуягт тээвэрлэгч /хуягт машин / явган цэргийн байлдааны машин - 8476 (+27)
-Их бууны систем - 5295 (+31)
-Агаарын довтолгооноос хамгаалах систем - 491 (+2)
-Олон пуужин хөөргөх систем - 721 (+2)
-Далавчит пуужин - 1406 (+0)
-Автомашины тоног төхөөрөмж, түүний дотор түлшний машин - 7722 (+30)
-Үйл ажиллагааны тактикийн түвшний нисэгчгүй нисэх төхөөрөмж - 4312 (+3)
-Хөнгөн завь / хөлөг онгоц - 18 (+0)
-Бусад тусгай тоног төхөөрөмж - 797 (+3)
Харин мэдээлэлтэй холбоотойгоор Оросын эрх баригчид Украиныг цэрэг армийн хохирлын талаар худал мэдээлэл тарааж байна гэж мэдэгджээ.
Тагнуулын Conflict Intelligence Team (CIT) багийн мэдээлснээр, 2023 оны 8-р сарын байдлаар Оросын армийн /Вагнерыг оролцуулаад/ нийтдээ 82 мянга орчим хүн алагдаж, 220 мянга орчим хүн шархадсан гэжээ. Үүний зэрэгцээ Украины арми 40-50 мянган хүн хүчний хохирол амсч, 170-180 мянган хүн шархадсан гэсэн тооцооллыг гаргажээ.
Mediazona-гийн редакторуудын цуглуулсан нээлттэй эх сурвалжаас баталгаажуулсан мэдээллээр Украин дахь Оросын арми болон Оросыг дэмжигч цэргийн бүтцүүдийн батлагдсан хохирол 30,000 гаруй хүн амь үрэгджээ. Гэхдээ бодит хохирол хэд дахин их байж болохыг судлаачид хүлээн зөвшөөрдөг. Үүнээс гадна сураггүй алга болсон болон олзлогдсон хүмүүсийн тоо тодорхойгүй байна" гэжээ.
Мөн дайны үеэр ямар техник хэрэгсэл алдсаныг баримтат нотолгоонд үндэслэн тооцдог Орикс төслийн дагуу 2023 оны 4-р сар гэхэд Оросын арми 10 мянга гаруй цэргийн техник (танк, бусад хуягт машин гэх мэт) алджээ.
НҮБ-ын баталгаажуулсан мэдээллээр хоёрдугаар сарын 24-нөөс хойш Украины 9000 гаруй энгийн иргэн (үүний 500 гаруй нь насанд хүрээгүй хүүхэд) нас барж, 16 мянга орчим нь шархадсан байна. Энэ тохиолдолд бид зөвхөн баталгаажсан тохиолдлын тухай ярьж байгаа бөгөөд бодит тоо нь "нилээд өндөр" байгааг НҮБ онцолжээ.
Украины эрх баригчдын мэдээлснээр Украины хэдэн арван мянган энгийн иргэн амиа алдсан тухайлбал, зөвхөн Мариупольд 20 мянга гаруй хүн үрэгдсэн гэж орон нутгийн эрх баригчид мэдээлж байгаа юм.
Эх сурвалж: Newsru.co.il