Долоон нярайн аминд хүрч, зургааг хөнөөхөөр завдсан сувилагч Люси Летбиг саяхан баривчилсан талаарх мэдээллийг бид өмнө нь та бүхэнд хүргэсэн билээ.
Тэгвэл гэмт хэрэгтэнд Их Британийн шүүхээс бүх насаар нь хорих ял оноохоор төлөвлөж байна. Түүнийг Их Британийн түүхэн дэх хамгийн олон хүүхдийн аминд хүрсэн цуврал алуурчин хэмээн тодорхойлоод байгаа ба тэр үлдсэн амьдралаа торны цаана өнгөрөөхөөр болж байна.
Летбигийн үйлдсэн хэрэг болгонд харгалзах ял оноосоор, бүх насаараа хоригдохоор болсон ба Их Британийн түүхэнд ийм ял авч буй дөрөв дэх эмэгтэй болжээ.
Бүх насаар нь хорих ял нь хамгийн жигшүүрт гэмт хэрэг үйлдсэн хүмүүст оноодог билээ. Летбигийн үйлдлүүдийн талаар "Энэ харгислал үнэхээр аймшигтай" гэж Шүүгч Госс хэлжээ.
33 настай Люси Летбиг асарч буй хүүхдүүдийнхээ цус, гэдсэнд нь агаар оруулж, сүүгээр хэтрүүлэн хооллож, инсулинаар хордуулан хөнөөжээ.
Түүний үйлдсэн гэмт хэргийн талаарх өмнөх мэдээллийг ЭНД дарж хүлээн авна уу.
