Баяр наадмын Бөхийн салбар комисс, Допингийн эсрэг үндэсний төвөөс улсын баяр наадмын түрүү бөхчүүдийн допингийн шинжилгээний хариуны талаар өнөөдөр мэдээлэл өглөө. Олон улсын лабораторид шинжлүүлсэн 32 бөхийн шинжилгээнээс 1 хариу эерэг гарсан гэдгийг ХЗДХ-ийн яамны Төрийн нарийн бичгийн дарга П.Сайнзориг хэллээ. Тэрээр допинг илэрсэн бөх нь шөвгөрсөн гэдгээс өөрөөр тухайн хүнтэй холбоотой мэдээлэл өгөх боломжгүй. Б сорьцын шинжилгээнээс хамаарч тухайн хүний нэрийг зарлах эсэхийг шийднэ гэв.