Хан-Уул дүүргийн нутаг дэвсгэрт байрлах "Жапан таун" хотхоны урд зам бороо ороогүй байхад ус зайлуулах шугамаас ус ундарч, зам усанд автаж байгаа асуудлыг нийслэлээс шалгажээ. Энэ асуудалд шалгалтын ажиллагаа явуулахад "Альфа Зоне" ХХК-ийн баригдаж байгаа барилгын сууринаас ус гарч, ялгарсан усаа зам руу шахаж байсан нь тогтоогдсон байна.
Иймд уг зөрчлийг арилгаж тус компанид захиргааны хуулийн дагуу хариуцлага тооцохоор болсныг НЗДТГ-ын хэвлэлийн төлөөлөгч Н.Сугар өөрийн цахим хуудсаараа дамжуулан мэдээлжээ.
