2023 оны долдугаар сард Японоос Орос руу автомашины экспорт 53 хувиар өссөнийг тус улсын Сангийн яамны статистик мэдээллээс харж болно.
Энэ сард ОХУ-д 33192 тээврийн хэрэгсэл нийлүүлсний 32116 нь автомашин байна. Энэ нь өнгөрсөн оны мөн үеийнхээс 84 хувиар их байгаа юм. Үүний зэрэгцээ 7-р сард Япон улс автомашины сэлбэг, эд ангийн нийлүүлэлтээ 44.4%-иар бууруулсан байна.
Японы Эдийн засгийн яам 8-р сарын 9-ний өдрөөс Орос руу экспортлохыг хориглосон барааны жагсаалтыг өргөжүүлж байна гэж мэдэгдсэн. Үүнтэй холбоотойгоор 1.9 литрээс дээш хөдөлгүүрийн багтаамжтай машинууд дээрх жагсаалтад багтсан.
Владивостокийн гаалийн газраас ТАСС агентлагт мэдээлснээр гаалийн газар наймдугаар сарын 9-нөөс хойш автомашин импорт буурч байгааг дурджээ. Тус газрын тооцоогоор долоо хоногт автомашины импорт 57 хувь буюу 3036 тээврийн хэрэгслээр буурсан байна.
Autonews-ийн мэдээлснээр, өнгөрсөн оны эхний хагаст Япон улс Орос руу хийх суудлын автомашины экспортоо өнгөрсөн оны мөн үеийнхээс 32.8 хувиар нэмэгдүүлсэн байна. 2022 онд Орост нийлүүлсэн хуучин автомашин Япон улсын нийт экспортын 26 хувийг эзэлж байна.
Японы автомашины брэндүүд - Nissan, Toyota, Honda, Mazda, Subaru, Mitsubishi, Suzuki. Эдгээр автомашин үйлдвэрлэгч бараг бүгд Орос дахь үйл ажиллагаагаа зогсоож, тус улсад бүтээгдэхүүнээ нийлүүлэхээ зогсоосон байна. “Субару Мотор” ХХК ОХУ-д үйл ажиллагаагаа зогсоож буйгаа албан ёсоор зарлаагүй ч хэд хэдэн дилерийн газруудыг хаажээ. 2023 оны тавдугаар сард Сузуки мөн жилийн өмнө тус улсад автомашин нийлүүлэхээ зогсоосон ч Оросоос гарах бодолгүй байгаагаа зарласан.
Өнгөрсөн онд Оросын зах зээлд нийтдээ 200 мянга орчим япон автомашин нийлүүлэгдсэн бөгөөд нийт үнийн дүн нь ойролцоогоор 1.8 тэрбум ам.доллар байна.
Шинэ хязгаарлалтын дагуу зөвхөн жижиг оврын автомашинуудыг ОХУ-д нийлүүлэх бөгөөд тэдний экспорт ердөө 720 сая доллар болж байна.
Эх сурвалж: РВС.ru