Санхүүгийн салбарын 2023 оны хоёрдугаар улирлын тойм мэдээллийг Санхүүгийн зохицуулах хорооноос эмхлэн гаргасан байна.
-Монголын хөрөнгийн зах зээлд үнэт цаасны 52 компани үйл ажиллагаа явуулж байна. Зах зээлийн нийт үнэлгээг 10,998.6 тэрбум төгрөг гарчээ.
-Даатгалын зэх зээлд 18 компани үйл ажиллагаа явуулж нийт хөрөнгө 518.3 тэрбум төгрөг байгаагаас хураамжинд 172.4 тэрбум төгрөг авч, нөхөн төлбөрт 53.4 тэрбум төгрөг зарцуулжээ. Нөөц сангийн хөрөнгө нь 244.2 тэрбум төгрөг гэсэн дүнтэй гарсан бол хагас жилд 1.1 тэрбум төгрөгийн цэвэр ашигтай ажиллажээ.
-Тусгай зөвшөөрөлтэй 522 банк бус санхүүгийн байгууллагын нийт хөрөнгө 3.9 их наяд төгрөг байна. Нийт 3.9 сая харилцагчтай бөгөөд 1.3 сая зээлдэгчид 3.1 их наяд төгрөгийн зээл олгожээ. 2023 оны эхний хагас жилийн орлого нь 520.2 тэрбум төгрөг, хүүгийн орлого нь 439.1 тэрбум төгрөг байна.
-Хадгаламж зээлийн хоршооны хувьд нийт 192 тусгай зөвшөөрөлтэй байгууллагад 71184 гишүүнтэй бөгөөд нийт зээл нь 220.4 тэрбум төгрөг, хадгаламж нь 203.9 тэрбум төгрөг байгаа бол цэвэр ашиг нь 2.8 тэрбум төгрөг байна.
-Үл хөдлөх хөрөнгө зуучлалын 311 байгууллага 992 тэрбум төгрөгийн хөрөнгө зуучлан худалдсан бол 66,3 тэрбум төгрөгийн хөрөнгө түрээслэсэн байна.
-Харин үнэт металл, үнэт чулууны чиглэлээр үйл ажиллагаа явуулдаг 49 хуулийн этгээд 461 иргэн байна. Нийт 63.8 тэрбум төгрөгийн үнэт металлын худалдан авалт, 75.5 тэрбум төгрөгийн борлуулалт хийжээ.
