-Маск SpaceX компани нийт ачааны 80 хувийг тойрог замд гаргах төлөвлөгөөгөө зарлав-
Америкийн бизнес эрхлэгч, тэрбумтан Илон Маск өөрийн тэргүүлдэг хувийн сансрын компани "SpaceX" ямар зорилгод хүрэхийн төлөө хичээж байгаагаа хэлжээ. Тэрээр энэ тухай олон нийтийн сүлжээ Х (хуучнаар Твиттер) дээр бичжээ.
Маск SpaceX-ийн зорилгыг тодорхойлж тус компани сансарт хүргэх нийт ачааны 80 хувийг тойрог замд гаргахаар төлөвлөж байгаагаа мэдэгдэв. "Би өөрийгөө дөвийлгөх гээгүй байна, гэхдээ SpaceX бүх ачааны 80 хувийг тойрог замд хүргэх замдаа шуударсан" гэж тэр хэлэв.
Бизнесмэний хэлснээр ачааны арав орчим хувийг Хятад улс тойрог замд гаргаж, үлдсэн хувийг бусад улс орнууд их бага хэмжээгээр сансарт тээвэрлэдэг.
SpaceX 2023 онд 2022 оныхоос хоёр дахин их орлого олох төлөвтэй байгаа нь урьд нь мэдэгдэж байсан. Гэхдээ энэ жил компанийн орлогын 40 хүртэлх хувийг Starlink хиймэл дагуулын интернет системээс олох боломжтой байна.
Эх сурвалж: Лента.ру