ОХУ-ын Ерөнхийлөгч Владимир Путиныг Шинэ Делид болох “Их 20”-ийн дээд хэмжээний уулзалтад тус холбооны нэг хэсэг болох улсын төрийн тэргүүний хувиар урьсан гэж Энэтхэгийн Гадаад хэргийн сайд Субраманям Жайшанкар сэтгүүлчидтэй уулзахдаа мэдэгдэв.
"Би энэ асуултад хариулж чадахгүй. Бид G20-ийн бүх гишүүдийг урьсан гэдгийг л хэлж чадна” гэж Жайшанкар Владимир Путиныг уулзалтад урих тухай асуултад хариулав.
Тэрээр мөн Энэтхэг улс Украины мөргөлдөөнд аль нэг талд орохыг хүсэхгүй байгааг тэмдэглэв.
Долдугаар сарын сүүлчээр Путин удахгүй Энэтхэгт болох “Их 20”-ийн дээд хэмжээний уулзалтад оролцох эсэхээ хараахан шийдээгүй байгаа гэж мэдэгдсэн юм.
Энэтхэг улс энэ жил G20-ийг даргалж байна. 2022 онд Индонез улс зохион байгуулагчаар ажиллаж байв. 2022 оны 9-р сарын 15-16-нд Бали аралд болсон G20-ийн дээд хэмжээний уулзалтын төлөөлөгчдийн дийлэнх нь ОХУ-ын Украин дахь үйл ажиллагааг хүчтэй буруушаасан баримт бичгийг баталснаар өндөрлөсөн юм.
Индонезид болсон дээд хэмжээний уулзалтад ОХУ-ын талаас Гадаад хэргийн сайд Сергей Лавров оролцсон бөгөөд тухайн үед Кремлийн хэвлэлийн төлөөлөгч Дмитрий Песковын хэлснээр, Владимир Путин Индонезийн талын хувийн урилгыг үл харгалзан уулзалтад биечлэн оролцохгүй гэж шийдсэн гэж мэдэгдэж байсан юм.
Эх сурвалж: rbc.ru
