-Элон Маск: Марк Зукерберг Ромын Колизейд болох тулаанаас гарлаа-
Мета корпорацын тэргүүн Марк Зукерберг бизнесмэн Илон Масктай Ромын Колизейд тулалдахаас татгалзсан гэж өөрийн твиттер хуудсандаа (нийгмийн сүлжээний шинэ нэр нь X) мэдэгдэв.
“Итали Колизейг эелдэгээр санал болгов. Харин Зук татгалзав. Тэгээд би түүний байшинг "аюулгүй газар" гэж санал болгосон. Харамсалтай нь тэр энэ үед “аялж” байсан гэж бичжээ.
Маск, Зукерберг хоёрын тулаан Колизейд болж магадгүй гэж Теслагийн үүсгэн байгуулагч зургадугаар сарын сүүлчээр "Тулаан Колизейд болох магадлал бий" гэж Маск бичиж байв.
Үүний дараа буюу 8-р сарын 11-нд Маск "Эртний Ром"-ын фон дээр Зукербергтэй тулалдах талаар Италийн эрх баригчидтай тохиролцсоноо зарлав. Түүний хэлснээр тэрээр тулааны талаар Италийн Ерөнхий сайд Жорж Мелони, Италийн Соёлын сайд Женнаро Сангиулиано нартай биечлэн ярилцсан гэжээ. Маскийн хэлснээр тэд тулааныг "баатарлаг газар" зохион байгуулахаар тохиролцсон байна.
Хэдхэн хоногийн дараа Помпей хотын дарга Кармин Ло Сапио "Маск, Зукерберг хоёрын тулаан тус хотын эртний Ромын амфитеатрт болох ёстой" гэж мэдэгджээ.
Маск, Зукерберг хоёрын хоорондох үл ойлголцол Твиттерийн аналог болох Threads олон нийтийн сүлжээ нээгдсэнтэй холбоотойгоор үүссэн.
Зукерберг 8-р сарын 7-нд "өнөөдөр" тулалдахад бэлэн гэдгээ мэдэгдэж өрсөлдөгчөө наймдугаар сарын 26-нд зохион байгуулахыг урьсан. Гэсэн хэдий ч Маск Метагийн тэргүүний хэлснээр огноог товлоогүй байгаа юм.
Эх сурвалж: RBC.ru
