Чингэлтэй дүүргийн долоодугаар хороо, Зурагтын шинэ эцэс автомашин хашаа мөргөж, автомашины бүхээгт жолооч нь хавчуулагдсан тухай дуудлага мэдээллийг ОБГ 07:34 цагт хүлээн авсан байна.
Энэ дагуу нийслэлийн аврах ангийн алба хаагчид 8.5 км замыг туулан 07:47 цагт очиход иргэн С/25 настай эрэгтэй/ согтууруулах ундаа хэтрүүлэн хэрэглэсэн үедээ “Хонда Фит” загварын суудлын автомашинаар зам дагуу зогсож байсан /Экскаватор/-ын шанага мөргөж, автомашины бүхээгт хавчуулагдан нас барсан байсан ба цогцсыг гаргаж, Тээврийн Цагдаагийн албанд шилжүүлэн өгчээ.
Иймд иргэд та бүхэн согтууруулах ундааны зүйл хэрэглэсэн үедээ автомашин жолоодож, хөдөлгөөнд оролцохгүй байхыг хүсье.