Өдөрт доод тал нь 4000 алхам алхах нь эрт нас барах эрсдэлийг эрс багасгадаг бол өдөрт 2337 алхам хийх нь зүрх судасны өвчнөөр нас барах эрсдэлийг бууруулах ач холбогдолтой нь судалгаагаар батлагджээ.
“Алхах тусам таны эрүүл мэндэд сайнаар нөлөөлнө, өдөрт алхаж буй алхмаа 500-1000 нэмэгдүүлэх нь нас баралтыг мэдэгдэхүйц бууруулна" гэж судалгааны багийн ахлагч Европын зүрх судасны нийгэмлэгийн дэд ерөнхийлөгч, доктор Мачей Банач онцолжээ.
Өдөрт 5000-аас доош алхам хийх нь хөдөлгөөнгүй амьдралын хэв маяг гэж тооцогддог байна. Өдөрт алхах алхам 1000 алхмаар нэмэгдэх нь аливаа шалтгааны улмаас нас барах эрсдэлийг 15, харин 500 алхам илүү алхахад зүрх судасны өвчнөөр нас барах эрсдэлийг долоон хувиар бууруулдаг талаар Мэрилэндийн Балтимор дахь Жонс Хопкинсийн их сургуулийн судлаачид үзэж байна.
