АНУ-ын Төрийн департамент Украинд 200 сая долларын цэргийн шинэ тусламж олгохоо зарласан гэж тус улсын Төрийн бичгийн дарга Энтони Блинкен хэлснийг РИА Новости иш татан уламжиллаа.
Энэхүү тусламжийн нэг хэсэг болгон Вашингтон Киевт агаарын довтолгооноос хамгаалах систем түүний дотор "Patriot"цогцолбор, их буу, танк эсэргүүцэх "Javelin" төхөөрөмж, мина устгах төхөөрөмж, мөн HIMARS олон пуужин харвагчийн сум хэрэгсэл болон довтолгооноос хамгаалах сум зэргийг өгөх юм.
2022 оны 2-р сараас хойш барууны орнуудын Украинд нийлүүлсэн цэргийн тусламжийн нийт хэмжээ 20 орчим тэрбум евро болсон гэж Европын комиссын хэвлэлийн төлөөлөгч Петер Стано наймдугаар сарын эхээр мэдэгдсэн юм.
Хэдхэн хоногийн өмнө АНУ-ын Ерөнхийлөгч Жо Байден Конгрессоос Украинд 24 тэрбум ам.долларын нэмэлт тусламж үзүүлэхийг хүссэн юм. Киевт хуваарилсан мөнгийг цэрэг, санхүү, хүмүүнлэгийн тусламжид зориулах төлөвтэй байна.
Эх сурвалж: Лента.ру
