Төв аймгийн Алтанбулаг сумын Сумт багийн “Өлийн хороо” гэдэг газар энэ сарын 14-ний өдөр буюу өчигдөр 15.00-15.30 цагийн орчим усархаг бороо орсны улмаас тус сумын баруун хойд талд байрлах далан сэтэрчээ. Улмаар 60 айл өрх усанд автсан тухай дуудлагыг Онцгой байдлын газар хүлээн авсан байна.
Энэ талаар тодруулахаар тус багийн Засаг даргаас тодруулахад "Одоогоор сэтэрсэн даланг сэргээн босгох ажил хийж байна. Тус үерийн улмаас гэр нь нурж, сүйдсэн тохиолдол гараагүй. Харин хашаа болон гэр лүү нь ус орсон айлууд бий. Тус айлуудын усыг шавхаж гаргах ажлыг гүйцэтгэсэн" хэмээв.
Одоогийн байдлаар ямар нэгэн иргэн бие махбодын хувьд бэртэж гэмтээгүй байна.
