15 настай хүүхэд амиа хорлох зорилгоор 10 дугаар давхрын цонхон дээр сууж байсныг ОБГ-ын алба хаагчид аюулгүй буулгалаа. Тодруулбал, Нийслэлийн Сонгинохайрхан дүүргийн 29 дүгээр хороо амиа хорлох зорилготой утсаар холбогдсон дуудлагыг 08.14-ний өдрийн 21:52 цагт хүлээн авсан байна. Нийслэлийн Аврах ангийн алба хаагчдыг очиход иргэн М /15 настай, эмэгтэй/ нь 10 дугаар давхрын орцны цонхон дээр сууж байсныг 20 минут ажиллаж эсэн мэнд буулган Сонгинохайрхан дүүргийн Цагдаагийн 3 дугаар хэлтсийн эргүүлийн офицерт хүлээлгэн өгчээ.
