Вагнерын хөлсний цэргүүдийг Беларусьт байршуулах Владимир Путин, Евгений Пригожин нарын хэлэлцээр бүтэлгүйтэж магадгүй гэж Америкийн Дайны Судлалын Хүрээлэнгийн (ISW) шинжээчид бичжээ.
Вагнерчууд наймдугаар сард Беларусийн нутаг дэвсгэрийг орхиж, ОХУ-д буцаж ирсэн гэсэн мэдээлэл байна. «ВЧК-ОГПУ»-ын мэдээлснээр Евгений Пригожин Краснодарын хязгаар, Воронеж, Ростов мужууд руу 500-600 хүнтэй жижиг бүлгүүдийг авч явсан байна. Энэ ажиллагааны хоёрдугаар шат наймдугаар сарын 13-наас хойш эхэлнэ. Албан ёсоор үүнийг "амралт" гэж нэрлэж байгаа боловч тэдний хэн нь ч Беларусь руу буцах талаар ярьсангүй.
Дээрх эх сурвалж хэлэхдээ, Александр Лукашенко Орос улс Белорусийн улсын нутаг дэвсгэрт хөлсний цэргүүд байршуулсныхаа төлбөрийг төлөхгүй гэдгийг мэдээд тэднийг санхүүжүүлэхээс татгалзсан тул Вагнерчууд тус улсыг орхихоор шийдсэн гэжээ.
Вагнерын сургагч нарын цөөн хэсэг Беларусьт үлдэж, сургалтаа үргэлжлүүлэх бол үлдсэн хүмүүсийг Орос руу буцаажээ.
8-р сарын 6-нд Беларусь дахь вагнеритчүүдэд Ливид очих томилолтыг санал болгож, үүнээс татгалзсан хүмүүсийг Орос руу явуулсан байна.
Маргааш нь "Grey Zone " группийн олон нийтийн хуудсанд Вагнерийн 12,000 хөлсний цэрэг Орост "амарч", 7,000 нь Беларусьт үлдсэн, мөн 1,500 орчмыг нь Африкийн орнуудад байршуулсан тухай мэдээлэл гарчээ. Вагнертай холбоотой өөр нэг сувагт 8-р сарын сүүлээр тэд Украинд буцаж ирэх магадлалтай гэсэн мэдээлэл гарч ирэв.
Ямартай ч Беларуст зөвхөн сургагч багш нар болон Африк руу явах хүсэлтэй хүмүүс л үлдсэн нь бараг тодорхой байна.
Тодотгоход, цалинтай чөлөөг зөвхөн гэрээ дуусгавар болсон хөлсний цэргүүдэд олгодог бөгөөд үлдсэн хэсгийг нь дахин дайчилгаанд буцаж ирэхийг санал болгох хүртэл өөрсдийн зардлаар "нөөцөд" явуулдаг. Хөлсний цэргүүдийн нэгний эгч ярихдаа түүний дүү Беларусь дахь хөлсний цэргүүдийн жишгээр бага цалин буюу 100 мянган рубль авдаг байсан тул цалингүй "амралт" авахаар шийдсэн гэж хэлэв.
Гэсэн хэдий ч энд асуудал бий. Visionary Channel-ийн мэдээлснээр, "Африкийг мөн Пригожинээс авч, Батлан хамгаалахын сайд Сергей Шойгуд хариуцуулж хүлээлгэн өгсөн. Нигерт төрийн эргэлт болж, нөхцөл байдал хурцадсан ч тус тивд Вагнерийн үйл ажиллагаа өргөжихгүй байгааг ажиглагчид тэмдэглэжээ. Харин Шойгу Африк руу шилжүүлэхээр тус бүр 1000 хүнтэй 12 нэгж байгуулж эхэлсэн гэж мэдэгджээ.
Нэмж дурдахад, Роскосмосын экс тэргүүн Дмитрий Рогозин "ерөнхийлөгчийн засаг захиргаа Африк дахь Пригожин группын бүх гэрээг «Конвой» хувийн цэрэгжсэн байгууллага болон түүний ерөнхий захирал Константин Пикалов руу шилжүүлэхийг санал болгосон гэж мэдэгдэв.
Үүний зэрэгцээ Шойгу Африкт хөндлөнгөөс оролцож, вагнерчуудыг тэндээс нүүлгэн шилжүүлсэн нь тус бүлгийн удирдлага, боловсон хүчнийг ихээхэн бухимдуулаад байгаа ажээ.
Эх сурвалж: Мoscowtimes.ru
