Оромын армийн дээслэгч Иван Королев Литвийн хилийг хууль бусаар давж, Вильнюс хотод хүрч чаджээ. Түүнийг Литвийн хилчид бөгөөд 8-р сарын 10-нд Вильнюсийн автобусны буудал дээр саатуулжээ.
Энэ залуу офицер Оросын Зүүн цэргийн тойргийн стратегийн нэгдсэн командлалын 59313-39-р цэргийн ангид алба хааж байжээ. Энгийн үед тус анги Хабаровскийн хязгаарын Тейсин тосгонд байрладаг.
Офицерийг саатуулсны дараа хилийн шалган нэвтрүүлэх боомт руу буцаан авчирсан бөгөөд тэнд дахин нэг хоног саатсжээ. Тэрбээр энд байхдаа BBC-ийн тусгай сурвалжлагчтай холбогдсон байна.
“Би эх орныхоо эхлүүлсэн цуст дайнд оролцохыг хүсээгүйн учраас ОХУ-аас гарахаар шийдсэн. Би яг одоо Бүгд Найрамдах Литва улсад байгаа бөгөөд тэндээс улс төрийн орогнол хүссэн” гэж Иван Королев ВВС-д ярьжээ.
"Би тусгай ажиллагаанд оролцсон, гэхдээ би энэ бүх хугацаанд ОХУ-ын нутаг дэвсгэрт байсан. Украины нутаг дэвсгэрт байгаагүй. Бид Оросын цэргүүдийг сумаар хангах ажил хийж байсан. Оросын өнцөг булан бүрд байгаа бүх цэргийн ангиуд болон зэвсгийн нөөцөөс сум авч, шууд Украин руу тараасан" гэж тэрээр ярьжээ.
Хээрийн их бууны агуулахын нягтлан бодох бүртгэл, ашиглалтын хэлтсийн орлогч дарга байсан артиллерийн офицерын өргөдлийг 8-р сарын 11-нд хэлэлцэхээр хүлээн авч, түүнийг Пабраде дахь шилжилт хөдөлгөөний төв рүү илгээх юм байна. Одоогоор Литвийн эрх баригчид түүний өргөдлийг авч үзэж байна.
Эх сурвалж: ВВС
